اہلیانِ غزہ کی فوری مدد کے لیے ہنگامی اپیل

بِسْمِ اللهِ الرَّحْمٰنِ الرَّحِيْمِ

تمام تعریفیں اُس اللہ کے لیے ہیں جس نے فرمایا:

اور درود و سلام ہو اللہ کے رسول ﷺ پر جنہوں نے فرمایا:

اما بعد:

جو کچھ آج کل ہمارے بھائیوں کے ساتھ غزہ میں ہو رہا ہے، قتل و غارت گری اور روزانہ کی بنیاد پر فاقہ کشی کے ہولناک واقعات، وہ اس حد تک بڑھ چکے ہیں کہ دنیا ہر روز بچوں، بوڑھوں، عورتوں اور شیر خوار بچوں میں سے درجنوں اور بعض اوقات سینکڑوں افراد کے قتل کی خبر سننے کی عادی ہو چکی ہے۔

یہ صورت حال ایک کھلی تنبیہ ہے کہ اگر عالمِ اسلام بیدار نہ ہوا تو پوری امتِ مسلمہ پر خدا کا قہر و عذاب نازل ہو سکتا ہے سوائے ان لوگوں کے جن پر اللہ رحم فرمائے۔

اللہ تعالیٰ کا فرمان ہے:

جو کچھ ہمارے بھائیوں کے ساتھ غزہ میں ہو رہا ہے، اس پر خاموشی اختیار کرنا درحقیقت امتِ مسلمہ کے ماتھے پر کلنک کا ٹیکہ اور رسوائی کا باعث ہے۔ تاریخ اسے کبھی فراموش نہیں کرے گی، نہ ہی اسے خاموشی سے گزرنے دے گی، بلکہ آنے والی نسلیں اسے یاد رکھیں گی۔ وہ تمنا کریں گے کاش وہ ہمارے درمیان موجود ہوتے، تاکہ ہم اس شرمناک خاموشی کا کفارہ ادا کرتے، اور عزت و غیرت کا علم بلند کرتے ہوئے اپنی تمام تر توانائیاں جمع کرکے غزہ کے مظلوم بھائیوں کی مدد کے لیے اپنا فرض ادا کرتے۔

اور ہم اس موقع پر اپنے مصری بھائیوں سے عمومی طور پر اور اپنے غیرت و حمیت کے حامل قبائلِ سینا سے خصوصی طور پر ہنگامی اپیل کرتے ہیں کہ:

اے اہلِ مصر! اپنے ان بھائیوں کی جانب قدم بڑھاؤ، جو غزہ میں فاقہ کشی اور پیاس سے دم توڑ رہے ہیں، ان خود ساختہ دیواروں اور فرضی سرحدوں کے اُس پار، جو تمہارے اور اُن کے درمیان حائل کر دی گئی ہیں۔ اللہ کے واسطے بتاؤ، تم کیسے سکون سے جی سکتے ہو جبکہ تمہارے ہی بھائی بدترین حالت میں زندگی کے دن کاٹ رہے ہیں؟ کس طرح ممکن ہے کہ تم میں سے کوئی آرام سے لقمہ اپنے منہ میں ڈالے، جبکہ تمہارے پڑوس میں رہنے والے غزہ کے بوڑھے اور بچے بھوک سے مر رہے ہوں؟ اور کیسے ممکن ہے کہ تمہارے ہمسائے پیاس سے جان دے دیں، جبکہ تمہارے بیچوں بیچ دریائے نیل بہہ رہا ہے؟ کیا تم میں غیرت و حمیت رکھنے والے لوگ مر چکے ہیں؟!

دخلت على المروءة وهي تبكي
فقلت على ما تنتحب الفتاة
فقالت كيف لا أبكي وأهلي
جميعاً دون خلق الله ماتوا

میں نے بہادری کے گھر میں قدم رکھا، وہ رو رہی تھی،
میں نے پوچھا: اے پاکیزہ صفت، تم کیوں آہ و زاری کر رہی ہو؟
اس نے کہا: میں کیسے نہ روؤں،جب میرے سارے اہل و عیال
تمام انسانوں سے پہلے مر چکے ہیں!

ان فرضی اور مصنوعی سرحدوں کو پامال کر ڈالیے، اللہ آپ پر رحم فرمائے، اور اپنے مظلوم بھائیوں کی مدد کو پہنچیے، انہیں کھانا، پانی اور دوا فراہم کیجیے۔ کیونکہ آپ پر ان کی مدد و نصرت کا فریضہ دیگر لوگوں کی بنسبت زیادہ ہے۔ خبردار! کہیں کوئی ایسا صہیونی تمہیں اُن کی مدد سے نہ روک دے جو تمہاری ہی زبان بولتا ہو، تمہارے ہی لباس میں ملبوس ہو اور تمہارے ساتھ ہی تمہارے وطن میں رہتا ہو۔ یاد رکھو! اصل معیار عملِ (صالح) ہے، زبان یا قومیت نہیں۔ ایک حدیث میں آیا ہے کہ ایک عورت محض اس وجہ سے جہنم میں داخل ہوئی کہ اُس نے ایک بلی کو قید کر دیاتھا، نہ اسے خود کھلایا، نہ اسے زمین سے کچھ کھانے کے لیے چھوڑا۔ تو سوچیں! آج مصر پر مسلط سِیسی کا ظالم نظام تو محض بلی کو نہیں روک رہا، بلکہ پورے غزہ کو، اُس کے باسیوں سمیت، قید کیے بیٹھا ہے!

رسول اللہ ﷺ کا فرمان ہے:

آج وہ لوگ جو یورپ سے قافلہ صمود میں شریک ہو رہے ہیں، اور جو اسلام کے پیروکار بھی نہیں، کیا وہ اہلِ غزہ کے بچوں، بوڑھوں اور عورتوں کے لیے تم سے زیادہ غیرت مند، ہمدرد اور غم خوار ہیں؟!

اگر تم نے حائل رکاوٹیں ختم نہ کیں، سرحدیں عبور نہ کیں، اور اپنے بھائیوں کو یہودیوں کے ظلم اور بھوک سے نہ بچایا، تو پھر تم میں کوئی خیر باقی نہیں!

ہم فلسطین کی مظلوم سرزمین سے متصل اپنے اہلِ اردن، شام اور لبنان کو بھی پکار رہے ہیں کہ وہ اپنے بھائیوں کی مدد کے لیے اٹھ کھڑے ہوں۔ پس دوسروں کی بنسبت تم پر اور اہلِ مصر پر یہ فرض کہیں زیادہ بڑھ کر ہے، تم پر لازم ہے کہ اپنی پوری طاقت وقوت صرف کردو، خواہ اس کی کتنی ہی قیمت کیوں نہ چکانی پڑے، حتیٰ کہ اگر اس راہ میں تمہاری جانیں بھی قربان ہو جائیں۔ اگر ان بھوکے جسموں کی پسلیاں اور اس سخت گرمی کے موسم میں پیاس سے بے ہوش ہوتے مسلمان بوڑھے اور بچے بھی تمہارے ضمیر کو نہ جگا سکیں تو پھر آخر کب جاگیں گے؟

ہم اس بیان کے اختتام پر اہلِ ثروت اور مال داروں کو بھی یاد دہانی کراتے ہیں کہ قیامت کے دن کی اس ہولناک وعید سے خبردار رہیں، ایسی وعید جس کی شدت کا تصور بھی انسان کو اس پر آمادہ کرتا ہے کہ کاش وہ دنیا میں مفلس اور نادار ہی ہوتا۔ پس خبردار! اپنے مال میں اللہ کے حق سے غافل نہ ہو جانا، اپنے ذمے عائد اس بڑی ذمہ داری کو پہچانیں جو اس مال کے حوالے سے تمہارے کندھوں پر رکھی گئی ہے۔ مال خرچ کرنے میں جلدی کریں، قبل اس کے کہ یہی مال آپ کے ماتھوں پر داغ دیا جائے! یہ مال یا تو اپنے مالک کے لیے نجات کا ذریعہ بنے گا، دوزخ سے بچاؤ اور جنت میں بلند درجات کا سبب، اور یہی وہ خوش نصیب انسان ہوگا جو ربِ رحمان کی رضا پائے گا۔ یا پھر یہی مال اس کے لیے ربِ جبار کے غضب اور عذابِ جہنم کا سبب بنے گا۔ اور کیسا بدبخت ہے وہ گھاٹے کا سودا کرنے والا تاجر، جو اپنے آپ کو ہلاکت کا مستحق ٹہھرادے۔

اللہ تعالیٰ کا فرمان ہے:

اے اللہ! ہمارے غزہ کے کمزور و مظلوم بھائیوں کی مدد و نصرت فرما ۔

اے اللہ! ان سے یہ اندھیری مصیبت دور فرما دے، اور ان پر سے یہ بلا ہٹا دے۔

اے اللہ! اپنے فضل سے انہیں بے نیاز فرما دے۔

اے اللہ! انہیں بھوک میں سیرابی عطا فرما، اور خوف میں امن نصیب فرما۔

اے جلال و عزت والے، اور بزرگی و کرم والے رب!

وآخر دعوانا أن الحمد لله رب العالمين

٭٭٭٭٭