سرمایہ دارانہ جمہوری نظام کی شرعی حیثیت | تیسری قسط

تکمیل دین کا انکار

قرآن مجید میں فرما دیا گیا ہے : الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً……اکمال دین اور اتمام نعمت کے بعد کافرانہ نظام حکومت کو اپنی اجتماعی زندگی کا حصہ بنانا اور اس پر مداومت اختیار کیے رکھنا تکمیل دین اور اتمام نعمت کا انکار ہے۔تکمیل دین و اتمام نعمت کا مطلب ہی یہ ہے کہ سیدنا آدم علیہ الصلوٰۃ والسلام سے آغاز ہونے والے دینِ اسلام کا سلسلہ تدریجی مراحل طے کرتا ہوا نبیٔ مکرم صلی اللہ علیہ وسلم کی ذات اقدس پر اپنے اوج کمال کو پہنچ گیا،اللہ تعالیٰ نے اپنی آخری کتاب ہدایت نازل کردی اورنبی صلی اللہ علیہ وسلم نے اللہ تعالیٰ کا پیغام پہنچا دیا۔ہمارے نزدیک عمل کے اعتبار سے سب سے بہتر زمانہ حضور صلی اللہ علیہ وسلم کا زمانہ تھا جو حضور صلی اللہ علیہ وسلم کی حدیث مبارکہ خیر القرون قرنی ثم الذین یلونھم ثم الذین یلونھم کا عین مصداق تھا۔

تمام مسلمانوں کے لیے دین اسلام کی صورت میں ایک خاص طریقہ اور ضابطۂ حیات متعین کر دیا گیا ہے۔اب اس ضابطے سے باہر نکلنا کسی مسلمان کے لیے روا نہیں۔ قرآن مجید میں ارشاد ہے:

دوسری جگہ ارشاد ہے:

قرآن مجید کی ان آیات سے یہ بات واضح ہوتی ہے کہ ایک مسلمان کے لیے طریقۂ زندگی، ضابطۂ حیات،دائرۂ کار خواہ انفرادی معاملات ہوں یا اجتماعی معاملات، قانون شریعت ہی ہے،اس سے انحراف کی راہیں تلاش کرنا اور کسی دوسرے طریقۂ زندگی کو پسند کرنا جائز نہیں،ایسا کرنا بہت بڑا خسارہ ہے۔

ہمارے خیال میں سرمایہ دارانہ نظام میں شمولیت اختیار کرنے اور اس پورے نظام کو اس طرح اپنے اوپر حاوی کرلینا کہ شریعت معطل ہوجائے،احکامِ دین کھلم کھلا پامال ہونے لگیں اور شعائر اسلام کا مذاق اڑایا جانے لگے تو یہ ایسا ہی ہے جیسے کوئی شخص ہندو ہوجائے، عیسائیت قبول کرلے یا بدھ مت اختیار کرلے،اس لیے کہ جمہوری نظام کو قبول کرنے اور اس پر مداومت اختیار کرنے کا مطلب اس کے سوا کچھ نہیں کہ شریعت اب چند اجزا مثلاًعبادات کے علاوہ قابل عمل نہیں رہی اور خلافت کا ادارہ بحالتِ موجود ناقابل ِ قیام ہے۔ظاہر ہے یہ فکر اور طرزِ عمل اللہ تعالیٰ کے ہاں سند قبولیت حاصل نہیں کرسکتا،بلکہ ایسے لوگوں کے لیے اللہ تعالیٰ کا اعلان ہے:

آخرت کی نامرادی اورخسارہ کیا ہے؟اس کی وضاحت بھی ایک دوسری جگہ ارشاد فرما دی گئی ہے۔قرآن مجید میں ارشاد ہے:

جمہوری نظام کفار کا طرزِ حکومت وسیاست ہے ،چنانچہ غیر سبیل المومنین ہے۔اللہ تعالیٰ کی ہدایت آچکنے کے بعد کوئی دوسری راہ اختیار کرنا،رسول اللہ صلی اللہ علیہ وسلم کی مخالفت کرتے ہوئے مومنین کے راستے سے الگ راہ نکالنا اپنی حقیقت کے اعتبار سے شرک ہے اور شرک ہر طرح کی برائیوں کا منبع ہے کیونکہ مشرک اللہ سے کٹ کر اپنی باگ شیطان کے ہاتھ میں پکڑا دیتا ہے اور جو شخص اپنی باگ شیطان کے ہاتھوں میں تھما دے وہ معاشرے کا بدترین انسان ہوتا ہے۔غیر سبیل المومنین کے شرک ہونے کا قرینہ اگلی آیت ہے جس میں مذکورہ آیت (ومن یشاقق الرسول الخ)کے فوراً بعد فرمایا گیا ہے:

اکثریتی بنیادوں پر فیصلوں کاباطل فلسفہ

جمہوری سسٹم میں فیصلوں کی بنیاد کتاب اللہ ،علم و حکمت نہیں بلکہ اکثریت جس چیز کو چاہے اس چاہت اور خواہش کی بنیاد پر فیصلے کیے جاتے ہیں۔جس امیدوار کو زیادہ ووٹ مل جائیں خواہ وہ کس قدر کرپٹ آدمی ہومگر دوسری طرف کوئی شریف امیدوار تھا اور اہل آدمی بھی ہے تب بھی مقابلے میں چونکہ پہلا شخص زیادہ ووٹ لے چکا ہے اس لیے وہی کامیاب کہلائے گا۔اسی طرح پارلیمنٹ میں بھی قوانین اکثریت کی بنیاد پر مرتب کیے جاتے ہیں۔ اکثریت کی بنیاد پر فیصلوں کا انعقاد بہت بڑی گمراہی اور ضلالت ہے،پھراکثریت بڑی جہلِ مرکب ہو تو اس کی گمراہی اور ضلالت میں کیا شک و شبہ ہو سکتا ہے۔یہ اکثریت جب پارلیمنٹ میں مفادعامہ کے لیے قوانین مرتب کرے گی تو اپنی افتادِ طبع ،نفسانی خواہشات اور جہالت کی بنیاد پر کرے گی۔چنانچہ زنا کا فروغ،سودی کاروبار کا استحکام اس پارلیمنٹ کا خاص وظیفہ ٹھہرتا ہے(جیسا کہ ہم حقوق ِ نسواں بل میں دیکھتے ہیں)۔ یہی وجہ ہے کہ اسلام نے محض اکثریت کی بنیاد پر فیصلوں کو رد کیا ہے اور اکثریت کی پیروی کو ضلالت و گمراہی قرار دیا ہے۔ قرآن مجیدمیں ارشاد ہے:

آیت کریمہ میں صرف اکثریت کو رد نہیں کیا گیا بلکہ اس کے بارے میں یہ حقیقت بھی بیان کر دی گئی کہ ان کے فیصلے محکم بنیادوں پر استوار نہیں ہوتے بلکہ وہ ظن وتخمین سے کام لیتے اور ہوا میں تیر چلاتے ہیں……بھلا ایسے لوگ بھی ملت کی قیادت و سیادت کے لیے اہل ہو سکتے ہیں؟ پھر اکثریت کو کسی ایک جگہ قرار نہیں ہوتا بلکہ وہ اپنے ہی عہد کو بارہا بدلتے رہتے ہیں اور یہ فساق و فجار کی خاص نشانی ہے۔دیکھیے قرآن مجید میں کس خوبی سے اس بات کو بیان فرماگیا ہے۔ ارشاد ہے:

دورنبوت اور دورصحابہ و تابعین میں بھی کبھی اکثریت کی بنیادپر فیصلے نہیں کیے گئے۔ذخیرۂ احادیث میں بھی ہمیں کوئی ایک حدیث نہیں ملتی جس میں اکثریت کے فکرونظر اور فیصلوں کو سراہا گیا ہو اور اکثریت کو بطورِ اصول قبول کیا گیا ہو۔سچ تو یہ ہے کہ اکثریت کا فلسفہ باطل،گمراہی اور فسق فجور کے سوا کچھ نہیں۔

اسلام دین توحیدہے،وہ امت کو وحدت کا عقیدہ و نظریہ دیتا ہے،اسلام کے نزدیک تمام مسلمان بھائی بھائی ہیں،وہ ایک جسم کی مانندہیں۔قرآن مجید نے مسلمانوں کو ، خواہ عرب کے ہوں یا عجم کے،شرق میں رہتے ہوں یا غرب میں سب کو ’’امت واحدہ ‘‘ کا عقیدہ دیا۔قرآن مجید میں ارشاد ہے:

نبی کریم صلی اللہ علیہ وسلم کا ارشاد گرامی ہے:

اس کے ہم معنی صحیحین کی حدیث ہے:

ان آیات واحادیث سے واضح ہوتا ہے کہ وحدت امت،اتحادواتفاقِ امت اللہ و رسول صلی اللہ علیہ وسلم کے نزدیک کتنا اہم ہے۔وحدتِ امت گویا مسلمانوں کی اجتماعی زندگی کا بنیادی مصدر ہے۔اور جو شخص اس وحدت کو ختم کرنے کے درپے ہو اس کے لیے شدید وعیدیں ہیں۔

ایک طرف دین اسلام کا یہ حکم ہے،دوسری طرف تقسیم،پارٹی بازی اور گروہ بندی جمہوری نظام کا بنیادی عنصر ہے۔کامیاب جمہوریت وہی تصور کی جاتی ہے جہاں حزب اقتدار کے مقابلے میں ایک مضبوط حزب اختلاف بھی ہو۔حزب اختلاف ایک پارٹی پر مشتمل ہو سکتی ہے اور کئی پارٹیوں کا مجموعہ بھی، بعینہٖ یہی صورت حال حزب اقتدار کی ہو سکتی ہے۔پارٹی کے اپنے نظریات اور اپنے اہداف ہوتے ہیں۔جمہوری سسٹم میں حصہ لینے والی تمام جماعتیں حقوق کی سیاست کررہی ہوتی ہیں۔حقوق کی سیاست کا مطلب اغراض کی سیاست ہے۔مثلاً ایک قوم پرست جماعت محض اپنی قوم کے مفادات کی سیاست کرتی ہے،وہ اپنے دائرۂ کار میں دوسری قوم کو شامل نہیں کرتی،لسانی بنیادوں پر قائم کوئی بھی جماعت دوسرے فرقے یا جماعت کے لیے کام نہیں کرتی۔مذہبی بنیادوں پر قائم کوئی بھی جماعت دوسرے فرقے یا جماعت کے مفاد کے لیے ہرگز کام نہیں کرتی۔چونکہ اغراض سب کی جدا جدا ہوتی ہیں اس لیے ہر چند افراد کا گروہ یا ایک جماعت بنا کر سرگرم ہوجاتا ہے،یوں تقسیم در تقسیم کا یہ عمل بڑھتا چلا جاتا ہے،آج ہم اس کے بھیانک نتائج کھلی آنکھوں سے مشاہدہ کر رہے ہیں۔سیکولر اور قوم پرست جماعتوں کی ہم بات نہیں کرتے، یہاں تو علما کی جماعتیں ہی کئی کئی گروہوں میں بٹ گئیں۔جمہوری سسٹم میں مسلسل شمولیت کی وجہ سے اہل دین کی قوت بکھر گئی،ان کا رعب اٹھ گیا،وہ اجتماعی موقف نہ ہونے کی وجہ سے کوئی آواز اٹھاتے ہیں تو صدا بصحرا ثابت ہوتی ہے،ان کے جائز مطالبات کو بھی درخوراعتنا نہیں سمجھا جاتا ۔فاسق و فاجر حکمران اتنے جری ہو چکے ہیں کہ مسجدیں شہید کریں،معصوم طلبہ اور حیا وعفت کی پیکر طالبات کا قتل عام کریں، مجاہدین کو تہہ تیغ کریں،جہاد کو دہشت گردی قرار دیں،مجاہدین اسلام کو پکڑ پکڑ کر بگرام ، گوانتاناموبے اور ملک کے کونے کونے میں قائم عقوبت خانوں اوراذیت گاہوں کو آباد کریں…… انہیں کھلی چھوٹ ہے۔

جمہوری ریاست میں پارلیمنٹ کا کردار

پارلیمنٹ جمہوری ریاست کا وہ ادارہ ہے جہاں عوام ووٹ کے ذریعے اپنےنمائندوں کو چنتے ہیں تاکہ وہ ان کی نمائندگی کرتے ہوئے ان کے مفاد میں قانون سازی کریں۔بادی النظر میں یہی سمجھا جاتا ہے کہ مگر اصلاً پارلیمنٹ سرمایہ داری کے نفاذ کا ادارہ ہے۔ سرمایہ دارانہ اداروں کی اسی کے ذریعے نموہوتی ہے۔پارلیمنٹ میں وہی قانون سازی کی جاتی ہے جو سرمایہ دارانہ مذہب و عقیدہ سے مطابقت رکھتی ہو،اگر عوامی خواہش اس کے برعکس ہوتو اس کی مزاحمت کی جاتی ہے بصورت دیگر اس پورے نظام کی بساط ہی لپیٹ دی جاتی ہے۔جیسا کہ ہم صوبہ سرحد کی گزشتہ حکومت کے حسبہ بل کے ضمن میں دیکھتے ہیں یا جیسے الجزائر میں اسلامک فرنٹ کی کامیابی کے باوجود پورے نظام کی بساط لپیٹ دی گئی ۔ارکان پارلیمنٹ مقنن یاقانون ساز ہوتے ہیں اور یہ قانون سازی مذہبِ سرمایہ داری کے نصابی صحیفے انسانی حقوق کے چارٹر کے دیے گئے دائرے میں رہتے ہوئے ہوتی ہے۔قرآن و سنت اور اجماع امت کو حوالہ نہیں بنایا جاتا،بلکہ قرآن و سنت کے علی الرغم قانون سازی ہوتی ہے۔

یوں دیکھا جائے تو حکم اور حکومت کے وہ تمام اختیارات جو اللہ رب العزت کو سزا وار ہیں وہ ارکان پارلیمنٹ اپنے لیے خاص کرلیتے ہیں اور خود خدا بن بیٹھتے ہیں۔حقوق نسواں بل،سود کے حق میں گزشتہ حکومت کے فیصلے ،عائلی قوانین اور کئی دیگر ظالمانہ استبدادی قوانین ارکانِ پارلیمنٹ کی اسی الوہیت کے مظہر ہیں۔قرآن کریم اور سنت میں اس قسم کی قانون سازی کی کوئی گنجائش نہیں خصوصاً جو شخص اپنے آپ کو مسلمان بھی کہلائے او رپھر مقنن بھی بن بیٹھے،یہ ایمان و اسلام کے ساتھ بدترین مذاق ہے۔قرآن مجید میں واضح ارشاد ہے :

ایک طرف قرآن حکیم کی آیاتِ محکمات ہیں دوسری طرف ارکان پارلیمنٹ کا اختیار ہے کہ وہ جو چاہیں قانون بنا دیں خواہ وہ کتاب اللہ کی مخالفت میں ہی کیوں نہ ہو…… یہی وجہ ہے کہ پارلیمنٹ ہماری نظر میں:

• کتاب اللہ کے استرداد(ویٹو) کا مرکز ہے۔

• انسانوں کی حاکمیت اعلیٰ او راقتدار اعلیٰ کا مظہر ہے۔

• کافرانہ و مشرکانہ اقتدار کا منبع ہے۔

• فحاشی و عریانی ،زناوشراب اوراباحیت زدہ معاشرے کے تحفظ اور فروغ کا ادارہ ہے۔

• سرمایہ دارانہ لوٹ کھسوٹ کی ادارتی صف بندی کرنے کا مرکز ہے۔

یہ ہم نے جمہوریت کے بارے میں چند اصولی باتیں ذکر کی ہیں اور سرمایہ دارانہ مذہب کے چند اساسی نظریات کا تجزیہ کیا ہے۔ابھی ہم نے بہت سی تفصیلات کو چھوڑ دیا ہے۔ابھی جمہوری ریاست کی عدلیہ کا کردار بھی زیر بحث نہیں لایا جا سکا جو سرمایہ دارانہ عدل کے قیام کا ایک بڑا ذریعہ ہے۔یہ بات مخفی نہیں رہنی چاہیے کہ جب سرمایہ دارانہ عدل کی بات کی جاتی ہے تو اس سے مراد ظلم ہی ہوتا ہے ،اس لیے کہ سرمایہ دارانہ مذہب جس چیز کو عدل تصور کرتا ہے اسلام کے نزدیک وہ عین ظلم ہے جیسے نظریۂ آزادی اور جس چیز کو اسلام عدل قرار دیتا ہے ، سرمایہ دارانہ مذہب اسے ظلم قرار دیتا ہے۔عبدیت،بندگیٔ الٰہ مثلاً اسلامی احکام جیسے چور کا ہاتھ کاٹنا، زانی کو سنگسار کرنا، شراب پینے پر کوڑے لگانا وغیرہ…… اسی طرح فوج، پولیس، بیوروکریسی، سٹاک ایکسچینج اور بینکنگ سسٹم کو بھی زیربحث نہیں لایا جا سکا۔

دراصل یہ پورا سسٹم تفصیلی تجزیے اور محاسبے کا متقاضی ہے اور یہ کام طویل دورانیے کا ہے۔ان شاء اللہ بتوفیق الٰہی آئندہ کبھی اس کی تکمیل کا بیڑا اٹھایا جائے گا۔ سردست جو تفصیل ہمارے سامنے آئی ہے اس کے مطابق سرمایہ داری جمہوریت ،انسانی حقوق کا چارٹر، کفر مطلق، شرک، ضلالت و گمراہی،بغاوت الٰہی اور بدترین ظلم و تعدی کا مجموعہ ہے۔ہم نے اس نظام کو اسی طرح کفر مطلق کہا ہے جس طرح یہودیت ،عیسائیت ،ہندومت، بدھ مت اور سکھ مت کفر مطلق ہے۔اس نتیجے پر پہنچنے کے بعد اب ہمارے لیے آسان ہوگیا ہے کہ ووٹ کی شرعی حیثیت کے بارے میں بھی خامہ فرمائی کرسکیں۔

(جاری ہے، ان شاء اللہ)