ارضِ پاکستان پر بھارتی جارحیت کی بابت

الحمد للہ رب العالمین والصلاۃ والسلام علی سید الأنبیاء والمرسلین وعلی آلہ وصحبہ ومن تبعھم بإحسان إلی یوم الدین، أما بعد

۶ مئی ۲۰۲۵ کی شب، بھارت کی بھگوا سرکار نے پاکستان کے چھ مقامات پر بمباری کی، جن میں خاص طور پر مساجدو آبادی کو نشانہ بنایا گیا۔ ان بمباریوں میں متعدد اہلِ ایمان کی شہادتوں اور زخمی ہونے کی اطلاعات ہیں، إنّا للہ وإنّا إلیہ راجعون! اللہ پاک ان شہداء کی شہادتیں قبول فرمائے، جنت الفردوس میں اعلیٰ مقام سے نوازے اور زخمیوں کو شفائے کاملہ و عاجلہ عطا فرمائے، آمین۔ بلا شبہ یہ بمباری، بھگوا ریاست کے کالے جرائم میں ایک اور سیاہ باب کا اضافہ ہے۔

سبھی جانتے ہیں کہ بھارت کی اسلام و اہل اسلام کے خلاف اس جنگ کا آغاز پہلگام واقعے کے بعد نہیں ہوا ، یہ جارحیت دہائیوں سے جاری ہے۔ مسلمانانِ ہند وکشمیر عرصہ دراز سے تاریخ کا بد ترین ظلم و جبر سہہ رہے ہیں۔ بھارت میں ہندتوا کے علم بردار بھگوا دہشت گرد اور ان کی مودی حکومت اس وقت پورے برِّ صغیر سے اسلام و اہلِ اسلام کو ختم کرنے کے لیے عسکری، سیاسی، تہذیبی اور دعوتی و اعلامی جنگ پر آمادہ ہیں۔

اس موقع پر ہم یہ واضح کرتے ہیں کہ:

ہم تمام مجاہدینِ اسلام اور مسلمانانِ برصغیر پر بھارت کے خلاف یہ جنگ، یہ جہاد فی سبیل اللہ فرض ہے! ہم پر فرض ہے کہ ہم اعلائے کلمۃ اللہ اور اسلام و اہلِ اسلام کے دفاع اور مظلومینِ برِّ صغیر کی نصرت کی خاطر یہ جنگ لڑیں۔
ہمارے دعوت و جہاد، دوست و دشمن اور حق و باطل کے حوالے سے ’مواقف‘ اور برصغیر میں جہاد فی سبیل اللہ کے ’مقاصد‘ پہلے سے معروف ہیں اور انہی مواقف و مقاصد کی خاطر آج اسلامیانِ برِّ صغیر کو کھڑاکرنے کی پہلے سے زیادہ ضرورت ہے !
اس موقع پر ہم اس عہد کی تجدید کرتے ہیں کہ اللہ کی توفیق سے، اس وقت تک ہم اپنی جنگ جاری رکھیں گے، جب تک مسلمانوں کی سرزمینوں پر اسلام و اہلِ اسلام کے خلاف جارحیت کرنے والے، ہر ہر ظالم کے ایک ایک جرم کا بدلہ نہ لے لیں اور اللہ کا کلمہ اللہ کی زمین پر بلند نہ ہو جائے!

وَاللّٰهُ غَالِبٌ عَلٰٓي اَمْرِهٖ وَلٰكِنَّ اَكْثَرَ النَّاسِ لَا يَعْلَمُوْنَ۝

’اور اللہ اپنے ہر کام پر غالب ہے، لیکن بہت سے لوگ نہیں جانتے۔‘

وآخر دعوانا أن الحمد للہ رب العالمین وصلی اللہ تعالیٰ علی نبینا الأمین!