مُجاہِد کا زادِ راہ | آخری قسط 15

باب نہم :محبت مجھے ان جوانوں سے ہے

الحمد للہ ثم الحمد للہ وبعد!

صبر کے بارے میں گفتگو کرتے ہوئے کبھی کبھی مجھے سعود البحری اور سعد الرشید وغیرہ کا خیال آتا ہے۔سعود…… جو پورے سولہ(۱۶) مہینے مسلسل افغانستان میں رہا۔ وہ گھوڑے کی پیٹھ پر بیٹھ کر پورا افغانستان گھومتا رہا۔ وہ جہاں بھی کہیں حملے یا سرگرمی کی خبر سنتا دوڑ کر وہاں پہنچتا۔ وہ موت کی تلاش میں رہتا تھا۔ میں نے کہا:

’’سعود! کہو تو تمہارے گھر والوں کو یہاں بلالیں؟‘‘

کہا: ’’نہیں نہیں! اُن کو یہی جہاد کرنے دیجیے کہ وہ صبر سے ہماری واپسی کا انتظار کریں۔‘‘

پھر کہا:’’ میں اپنی تینوں بیٹیوں کی شکلیں بھول چکا ہوں۔‘‘

’’ایک رات میں نے اپنی ایک بیٹی کو دیکھا کہ وہ میرے ساتھ کھیل رہی ہے اور اُس کی محبت سے میرا دل بھر آیا ہے۔

میں ہڑ بڑا کر خواب سے بیدار ہوا…… تو مجھے سمجھ میں آئی کہ یہ شیطانی خیالات ہیں جو میری بیٹی کا روپ دھار کر میری ہمدردیاں حاصل کرکے مجھے جہاد سے لوٹانے آئے ہیں۔ میں نے بائیں طرف تین بار تھوکا…… اور پھر سوگیا۔ ‘‘

یہ لوگ تھے صابر!

میں نے کہا: سعود! ’جو زجان‘ جاؤ گے؟

کہا: جیسے حکم ہو! اگر آپ کا یہ خیال ہے کہ مجھے جانا چاہیے تو میں جاؤں گا۔ مجھے آپ جہاں بھیجیں گے، جاؤں گا۔

پھر سعود چلا گیا اور چھ مہینے کے لیے افغانستان کے شمالی برفستانوں اور دریائے آمو کے کناروں کے درمیان کہیں کھویا رہا۔

میں ان لوگوں پر حیران ہوتا ہوں، ان کے ادب پر……اُن کی تربیت پر…… اُن کے صبر پر…… اُن کی اطاعت پر۔

یہ لوگ کسی اسلامی جماعت کے ساتھ نہیں رہے۔ انہوں نے مربیوں کے ہاتھوں لمبی لمبی تربیتیں نہیں پائیں۔

ان کے پاس صرف اخلاص تھا جس کی وجہ سے اللہ نے ان کے دلوں پر بیش بہا نعمتوں کے دروازے کھول دیےاور اُن کے اعضا و جوارح کو سلوک کے مراحل طے کرا دیے۔

برادران کرام! یقین کیجیےکہ اس قسم کے نوجوانوں کا ذکر کرتے وقت میں خود کو گم کردہ راہ…… ٹھگنا…… چھوٹا، حقیر اور ان عالی شان مسلمانوں کے سامنے ضعیف اور مسکین محسوس کرتا ہوں۔ یہ کیسا نوجوان تھا جو خاموشی سے اپنے رب کے رستے کی طرف گامزن رہا۔ وہ اجنبیوں کی طرح آیا، اجنبیوں کی طرح رہا اور اجنبیوں کی طرح جنت کو سدھار گیا۔

ان اجنبیوں پر رحمت ہو۔ جو ہلکے پھلکے، متقی، معصوم اور سادہ تھے۔ جو محفل میں ہوتے تو کوئی انہیں نہ پہچانتا اور نہ ہوتے تو کوئی اُن کی تلاش میں نہ نکلتا۔ کتنے ہیں جن کی کسی کو کوئی تلاش نہیں۔ کتنے ہیں جن کو کوئی جانتا تک نہیں۔ اور میں جانتا ہوں کہ آپ میں سے اکثر لوگوں نے سعود کی صورت تک نہیں دیکھی اور نہ کبھی اس کا تذکرہ سنا یا کیا۔

لیکن اس سے سعود کو کیا……؟

عبدالوہاب کو کیا……؟

ابو حمزہ کو کیا……؟

ابو عثمان کو کیا……؟

اگر ’’ مکتب الخدمات‘‘ کے بیٹے تمہیں نہیں جانتے تو کیا ہوا اور بقول عمررضی اللہ عنہ ’’ اگر عمر انہیں نہیں جانتا تو کیا ہوا…… عمر کا رب تو انہیں جانتا ہے نا!‘‘

یہ لوگ اللہ کی طرف سدھار گئے لیکن رب العزت نے انہیں تنہا نہیں چھوڑا، ہمیں اُن کی کرامات دکھائیں…… اُن کی موت کے بعد اُن کی صفات ہم پر کھلیں۔ آپ کے سامنے ابوداؤد بیٹھا ہے…… اس سے پوچھیے۔

اس نے مجھے بتایا کہ اس نے پیر کے روز ان کی قبروں سے نور پھوٹتا اور آسمان کی طرف جاتا دیکھا…… یہ نور کمان کی شکل میں اوپر جاتا اور پھر اسی حالت میں واپس لوٹتا۔

یہ ان لوگوں کے حصے کا نور ہے جو دنیا میں بھی ان کے ساتھ تھا، برزخ میں بھی ان کے ساتھ ہے اور آخرت میں پل صراط پر بھی ان کے ساتھ رہے گا۔

اور امید ہے کہ یہ لوگ فردوس بریں میں اپنے رب کے نور سے بھی محروم نہ رہیں گے۔ اُن سے ضرور کہا جائے گا:

سلام علیکم یا أھل الجنۃ!

’’ اے اہل جنت! تم پر سلامتی ہو۔‘‘ یہ لوگ یقیناً سلامتی کے مستحق ہیں۔

برادران عزیز!

صبر! صبر…… جہاد کے رستے میں صبر کی ضرورت ہے۔

ساتھیوں سے اچھا سلوک کیجیے ۔

ساتھیوں سے محبت کیجیے ۔

مشقت پر صبر کیجیے ۔

ساتھیوں کی غلطیوں پر صبر کیجیے ۔

امیر کے احکام پر صبر کیجیے ۔

بد ذائقہ کھانے پر صبر کیجیے ۔

جہاد کے رستے میں صبر سے کام لینا سیکھیے۔

غیض و غضب کے عالم میں صبر کا مظاہرہ کرنا سیکھیے۔

سردی میں صبر کیجیے ۔

دوستوں، رشتہ داروں، پڑوسیوں اور اہل خانہ سے دوری پر صبر کیجیے ۔

یہی جہاد کا راستہ ہے۔

یہی وہ رستہ ہے جس پر چل کر حوض کوثر پر رسول اللہﷺسے ملاقات کی جاسکتی ہے۔

یاد رکھیے کہ اللہ نے خود آپ پر صلاۃ والتسلیم بھیجی ہے۔ اللہ تعالیٰ نے فرمایا اور وہ علیم و خبیر و بصیر آج بھی فرما رہا ہے؛ وہ حکیم قائد…… آپ کو تعلیم دیتے ہوئے متوجہ کرتا ہے اور اپنے نبی کی تعظیم اور قدر ومنزلت کے باب میں فرماتا ہے کہ

اے اللہ! صحابہ سے راضی ہو جا! تابعین سے راضی ہو جا! اور تبع تابعین سے راضی ہو جا!

اور اُن کے ساتھ باحسان راضی رہ! قیامت کے دن تک!

اے اللہ! مومنین کو زمین میں اقتدار اور تمکنت عطا فرما۔

اے اللہ! اُن کے لیے تمکنت کی راہیں کھول دے۔

اے اللہ! ہم تجھ سے فردوس بریں کی خواہش رکھتے ہیں۔

اے اللہ! اپنے ذکر پر ہماری مدد فرما!

اپنے شکر کی توفیق دے۔ اپنی بہترین عبادت کی توفیق دے۔

اے اللہ! جب تک زندہ رکھ سعادت کی زندگی دے اور جب موت دے تو شہادت کی موت دے۔

اے اللہ! قیامت کے روز ہمیں مصطفیٰﷺکے گروہ میں سے اُٹھا۔

اے اللہ! دنیا میں ہماری معاش کی اصلاح فرما۔ یہ ہمارے لیے بڑا نازک معاملہ ہے اور اے اللہ! ہماری آخرت درست فرما جہاں ہمیں لوٹ کر جانا ہے۔

اے اللہ! زندگی کوبھلائی سمیٹنے والی زندگی بنا دے۔

اور اے اللہ! موت کو ہمارے لیے ہر برائی سے بچاؤ کا ذریعہ بنادے۔

اے اللہ! ہمارا خاتمہ اچھے اور نیک لوگوں کے ساتھ فرما۔

اے اللہ! مجاہدین کی مدد و نصرت فرما اور اُن کے دلوں کو آپس کی محبت سے بھر دے۔

اے اللہ! اُن کے احوال کی اصلاح فرما دے۔

اُن کو درست راستے کی طرف ہدایت دے۔

اے اللہ! افغانستان کے مجاہدین کی مدد فرما، فلسطین، لبنان، فلپائن ، شام، یمن اور ہر جگہ پر حق کی جنگ لڑنے والے مجاہدین پر اپنا کرم فرما!

اور محمدﷺ پر درود بھیج اُن کی آل پر درود بھیج، اُن کے ساتھیوں پر درود اور سلامتی ہو۔ اے اللہ کے بندو!

اللہ کا ذکر کرو…… وہ تمہارا ذکر کرے گا۔

اس سے توبہ و استغفار کرو…… وہ تمہیں معاف کردے گا۔

وآخر دعوانا أن الحمد للہ ربّ العالمین!

تـَـمّـــــــــــــــت بِالخَـــــــــــــــــــــــیر