وحدتِ آدمیت (۲)

شعائر اللہ کی عظمت

بہت سے ذہنوں میں یہ بات گردش کرتی رہتی ہے کہ تقویٰ ایک سلبی صفت ہے، اس کے اصل مفہوم میں بچنا اور پرہیز کرنا داخل ہے، جبکہ واقعہ یہ ہے کہ اس کا اصل پہلو ایجابی ہے، ضمیر کے اس احساس کا نام ہے جس کی بنا پر ہر کام میں خدا کے حکم کے مطابق عمل کرنے کی شدید رغبت پیدا ہوتی ہے، امور خیر کی دلوں میں تحریک پیدا ہوتی ہے اور ہر برے کام سے نفرت کا جذبہ پیدا ہوجا تا ہے، دلوں میں شعائراللہ کی عظمت بیٹھ جاتی ہے، اور اللہ کا نام آتے ہی دل جھک جاتے ہیں:

سورۂ شریفہ کے آغاز ہی میں یہ حقیقت بھی بیان ہوچکی ہے کہ عظمت ِرسالت تقویٰ کا معیار ہے:

اپنی چاہت اور مزاج کے خلاف منشائے نبویؐ کے آگے جھک جانے کو بھی تقویٰ سے تعبیر کیا گیا ہے، صلح حدیبیہ کے موقع پر آنحضرت صلی اﷲ علیہ وسلم نے بظاہر دَب کر جو معاہدہ فرمایا، اس سے صحابہؓ پر طبعی اثر پڑا، جمعیت بھی تھی، بہادری کے جوہر دکھانے کا وقت معلوم ہورہا تھا، لیکن آنحضرت صلی اﷲ علیہ وسلم نے صلح فرمالی، اور صحابہؓ نے سر تسلیم خم کردئیے، اسی کو اللہ تعالیٰ نے یوں فرمایا ہے:

آگے ان کی فضیلت بیان فرمائی:

نتیجہ اہل ایمان کے حق میں نکلا، صلح کی مختصر مدت میں اتنی بڑی تعداد میں لوگ دین میں داخل ہوئے جو کبھی نہیں ہوئے تھے، وجہ یہ تھی کہ ان کو دین سمجھنے کا موقع مل گیا۔

ایفائے عہد اور درگزر

ایک دوسری آیت میں دشمنوں کے ساتھ ایفائے عہد اور حتی الامکان جنگ سے پرہیزکرنے والوں کو متقی فرمایا گیا ہے:

دوسروں کی خاطر اپنا حق چھوڑ دینے، درگزر کردینے کو بھی تقویٰ سے قریب تر بتایا گیا ہے:

اہل تقویٰ کی صفات

اہل تقویٰ کی صفات کا بیان قدرے تفصیل سے سورۂ آل عمران میں موجود ہے:

صبر

دشمنوں کی ایذارسانی پر صبر کرنے والوں کو بھی اہل تقویٰ شمار کیا گیا ہے:

خیر کے کاموں میں ایک دوسرے کا تعاون کرنے اوربرائیوں میں اس سے بچنے کا تذکرہ تقویٰ ہی کے ساتھ کیا گیا ہے:

نیکیوں کی بنیاد

حاصل یہ ہے کہ تقویٰ تمام نیکیوں کی بنیاد اور اصل الاصول ہے، بقول علامہ سیدسلیمان ندوی رحمۃ اللہ علیہ کہ:

’’اگر حضرت محمد صلی ﷲ علیہ وسلم کی تمام تعلیمات کا خلاصہ ہم صرف ایک لفظ میں کرنا چاہیں تو ہم اس کو ’تقویٰ‘ سے ادا کرسکتے ہیں ۔‘‘¹سیرۃالنبی۵/۳۱۱

تقویٰ اصلاً تو دل کی ایجابی کیفیت کا نام ہے لیکن اس کے نتائج ایجابی بھی ہیں اور سلبی بھی، ہر خیر کی طر ف بڑھنا اور ہر شر سے بچنا، دونوں باتیں تقویٰ کے لوازمات میں سے ہیں ، کوئی شخص نماز، روزہ کرتا رہے، لیکن کسی کا دل دکھاتا ہو، کسی کو تکلیف پہنچاتا ہو، حق تلفی کرتا ہو، بدنگاہی میں مبتلا ہوجاتا ہو، معاملات میں پختگی نہ رکھتا ہو، جھوٹ بولتا ہو، وعدہ پورا نہ کرتاہو، اور دوسرے گناہوں میں بھی مبتلا ہوجاتا ہو، تو وہ ہرگز متقی کہلانے کا مستحق نہیں ہے، احتیاط کی زندگی گزارنا، اللہ کا ہمہ وقت دھیان رہنا، ہر عمل میں اس کا لحاظ رکھنا کہ وہ کہیں اللہ کو ناراض کرنے والا عمل نہ ہو، یہ تقویٰ ہے۔ اسی لیے ایک صحابیؓ نے تقویٰ کی تعریف کرتے ہوئے ایک بہترین مثال دی، انہوں نے دوسرے صحابیؓ کو جنہوں نے تقویٰ کے بارے میں سوال کیا تھا، خطاب کرکے کہا کہ کیا تمہارا گزر کبھی خاردار راستہ سے ہوا ہے؟ انہوں نے کہا کہ ہاں ۔ کہا کس طرح گزرے؟ انہوں نے جواب دیا کہ کپڑے سمیٹ کر گزرا کہ کہیں دامن کانٹوں میں الجھ نہ جائے۔ فرمایا: اسی کا نام تقویٰ ہے۔‘‘

حدیث میں آتا ہے کہ اللہ تعالیٰ نے جنت کے راستہ کو خاردار کانٹوں سے گھیر دیا ہے²مسند احمد /۷۷۴۱، جو اس میں الجھا، وہ گیا، یہ کانٹے ہیں بے جا خواہشات کے، نفسانیت کے، خودغرضی کے، غرور و گھمنڈ کے، من چاہی کے، ان سے دامن بچا کر زندگی گزارنا تقویٰ ہے، اسی لیے اس کو ’’ملاک الأمر‘‘ یعنی دین کی اصل قرار دیا گیا ہے۔

عزت کا معیار

آنحضرت صلی ﷲ علیہ وسلم نے اسی لیے اس کو اصل معیار شرافت قرار دیا ہے، اور قرآن مجید نے اسی کو عزت کی کسوٹی بتایا ہے، علامہ سید سلیمان ندوی سیرۃالنبیؐ میں تقویٰ کے مضمون کو ان الفاظ پر ختم فرماتے ہیں :

’’اسلام میں تقویٰ کو جو اہمیت حاصل ہے، اس کا اثر یہ ہے کہ تعلیم محمدی (صلی ﷲ علیہ وسلم) نے رنگ، وطن، خاندان، دولت، حسب نسب، غرض نوع انسانی کے ان صدہا خودساختہ اعزازی بتوں ، مرتبوں کو مٹا کر صرف ایک ہی امتیازی معیار قائم کردیا، جس کا نام تقویٰ ہے، اور جو ساری نیکیوں کی جان ہے، اور اس لیے وہی معیاری امتیاز بننے کے لائق ہے، چنانچہ قرآن پاک نے بآواز بلند یہ اعلان کیا:

آیت شریفہ کا اختتام اللہ تعالیٰ کی جن صفات پر ہورہا ہے، اس سے یہ حقیقت واضح کی جارہی ہے کہ تقویٰ دل کے اندر کی ایک کیفیت ہے، ظاہر میں انسان کتنے ہی تقویٰ کا اظہار کرے مگر اﷲ کے نزدیک وہی ظاہر معتبر ہے جو باطن کا ترجمان ہو، اور وہ دل کی گہرائیوں سے واقف ہے، باریک سے باریک تر اور مخفی سے مخفی تر اشیاء اور حقائق کو وہ جانتا ہے، دنیا میں ایک انسان انسانوں کو دھوکہ دے سکتا ہے، مگر کوئی اپنے مالک کو دھوکہ نہیں دے سکتا، صاف صاف کہہ دیا گیا:

(جاری ہے، ان شاء اللہ)

٭٭٭٭٭

• 1
  سیرۃالنبی۵/۳۱۱
• 2
  مسند احمد /۷۷۴۱
• 3
  سیرۃالنبی۵/۲۹۰